ကျွန်တော်နဲ့ချစ်သူများနေ့

ချစ်သူများနေ့မရောက်ခင်ကတည်းက facebookမှာသူများတွေပြောနေကြပါတယ်။ ချစ်သူများနေ့ဆိုတာ မြန်မာလူမျိုးတွေနဲ့မဆိုင်ဘူးတဲ့…။ကျွန်တော်လဲထောက်ခံပါတယ်(အပဲာ..တကယ်ကရည်းစားလက်မဲ့ဖြစ်နေလို့)။ဒါပေမယ့်မဆိုင်ဘူးသာပြောနေရတယ်မနက်မိုးလင်းတာနဲ့စိတ်ထဲမှာတော့တမျိုးတမည်ခံစားရပါတယ်။ရည်းစားလက်တလောမဲ့နေတဲ့ကျွန်တော်တောင်ဒီလိုဖြစ်နေရင်ရည်းစားနဲ့လျှောက်လည်ဖို့ပြင်ဆင်ထားသူတွေ၊ရည်းစားနဲ့ဝေးနေသူတွေဆိုရင်ပိုလို့တောင်မရိုးမရွဖြစ်နေမှာကျိန်းသေပါတယ်။ကဲ..လျှာရှည်မိနေပြန်ပြီဗျာ။အဓိကပြောချင်တာက ကျွန်တော်ရဲ့ ချစ်သူများနေ့ ဖြတ်သန်းခဲ့တဲ့ အကြောင်းလေးပါ။

မနက်အိပ်ရာကနိုးတော့တိုက်ခန်းတံခါးဖွင့်ပြီးအပြင်ကိုကြည့်မိတယ်။ကျွန်တော်တို့အခန်းနဲ့ကပ်ရပ်အခန်းမှာကလဲအကိုကြီးတွေငှားနေတာပါ။ဒါပေမယ့်သူတို့အခန်းတံခါးမှာပန်းစည်းလေးထိုးလို့။ကောင်မလေးတွေပို့ထားတယ်ထင်တယ်။အားကျလိုက်တာ..ကိုယ်တွေအခန်းကိုတော့ပန်းအစည်းလိုက်မပြောနဲ့တစ်ပွင့်တစ်လေတောင်လမ်းမှားပြီးမလာဘူး(အခန်းကလေးယောက်လုံးအဲလောက်စွံ့တာ)။ဒါနဲ့မနာလိုလို့ခပ်တည်တည်နဲ့ ပန်းစည်းချွတ်ယူပြီးစာအိတ်ကြီးပဲထားခဲ့မလို့ကြံလိုက်သေးတယ်(အကျင့်မကောင်းချက်)။နောက်မှဝဋ်လည်မှာကြောက်လို့အကြံဖျတ်လိုက်ရတယ်။

 

ခဏနေတော့သူငယ်ချင်းကဖုန်းဆက်လာတယ်။ဘာအစီစဉ်ရှိလဲတဲ့။မရှိရင်သူတို့အခန်းကကြေးသွန်းဘုရားကိုရောင်ခြည်တော်ဖွင့်ရအောင်တဲ့။တခြားသူငယ်ချင်းတစ်ကောင်လဲ ရောက်နေတယ်ဆိုတာနဲ့ အဲဒီကောင်အိမ်ပြေးပြီးဘုရားကိုမန်ကျည်းသီး၊ကြေးသန့်တဲ့ဆေးတွေနဲ့ ရောင်ခြည်တော်ဖွင့်ကုသိုလ်ယူလိုက်ပါတယ်။

ရောင်ခြည်တော်ဖွင့်ပြီးတဲ့အချိန် နောက်တစ်ကောင်ထပ်ယောက်လာပြီး တစ်ဆယ်တန်အသစ်တွေနဲ့ အားရုံစားအောင် ပိုက်ဆံခေါက်ခိုင်းပါတယ်။ သူ့ကောင်မလေးကိုပေးမလို့တဲ့။ ခုမှရည်းစားစကားမပြောမလို့ ကြိုးစားနေတဲ့သူဆိုတော့ ၀ိုင်းဝန်းကူညီဆောင်မပေးလိုက်ပါတယ်။ပိုက်ဆံခေါက်တာ အဆင်ပြေသွားတယ်။ နည်းလည်းမှတ်ထားလိုက်တယ်။ကိုယ်လဲနောက်သုံးရအောင်..:)။

နေ့လည်ပိုင်းအချိန်သွားစရာမရှိတော့  စိန်ဂေပာာလှည်းတန်းစင်တာမှာလုပ်တဲ့ စုံတွဲအဆိုပြိုင်ပွဲနဲ့ ဖက်ရှင်ပြိုင်ပွဲဆီလိမ့်ခဲ့ပါတယ်။ချစ်သူများနေ့အတွက်တော်တော် ပြင်ဆင်ထားတာတွေ့ရပါတယ်(၁၃ရက်နေ့ကိုသာအဲဒီလိုပြင်ဆင်ဂုဏ်ပြုဖို့သတိရမယ်ဆိုရင်…)

အဆိုပြိုင်ပွဲကတော့ပြောစရာမလို၊အသံအားကောင်းကောင်းတွေနဲ့အစီအစဉ်အချို့ကပြိုင်နေကြလူတွေရောမပြိုင်ဖူးတဲ့သူတွေရောင်လာပြိုင်တာတွေ့ရပါတယ်။ဒိုင်တွေက ဇ၀ါနဲ့ရွှေဂျော်ဂျော်ပါ။ပြိုင်ပွဲမှာ ယောက်ျားလေးနဲ့မိန်းကလေးအတွဲအပြင်ယောက်ျားလေးနှစ်ယောက်အတွဲပါထူးထူးဆန်းဆန်းတွေ့ရပါတယ်။ပြောသေးရဲ့သူတို့က အချစ်ဆိုတာဘယ်လိုပုံစံမျိုးကမဆိုပေါက်ဖွားနိုင်တယ်တဲ့..:D။ နောက်ထူးခြားတဲ့အတွဲကအစ်မတော်သမီးစံတို့သန်လျင်မြို့တော်ကြီးကတဲ့။လူငယ်တွေနဲ့အပြိုင်ကလေးလေးယောက်ရပြီးသားလင်မယားအသက်က(၄၅)လောက်အတွဲလာပြိုင်တာပါ။ခုချိန်ထိကြင်ကြင်နာနာနဲ့အားကျစရာကောင်းလှပါတယ်။

အဆိုပြိုင်ပွဲပြီးတော့စုံတွဲဖက်ရှင်ပြိုင်ပွဲစပါတယ်။ အဲဒီပွဲကြည့်မိခါမှာ မြန်မာပြည်မှာ လွတ်လပ်မှုကို တလွဲဆံပင်ကောင်း အသုံးချနေတဲ့ သူတွေကို ကောင်းကောင်းတွေ့လိုက်ရပါတယ်။ ဘာပဲပြောပြော ဖက်ရှင်ပြိုင်ပွဲ ဖြစ်လို့ ကျောပေါက်နောက်ပြဲရင်ပြတ်ဝတ်တာအဆိုးမဆိုလိုပါဘူး။ ဆိုးတာက လူရှေ့သူ့ရှေ့မှာ ပို့စ်ပေးတဲ့ အခါ ပါးတွေကိုနမ်းပြကြတာပါ။ အဲဒီလောက်လုပ်ပြနေစရာမလိုဘူးလို့ ကျွန်တော်တော့ထင်တာပဲ။ ပါးနမ်းတာထက်ပိုဆိုးတာက နှုတ်ခမ်းချင်းနမ်းလိုက်တာပါ။အဲဒီအတွဲဆိုပွဲမှာ ကြည့်တဲ့လူတကာအော့ကြောလန်ဖြစ်ရော။ဒိုင်တွေတောင်လန့်သွားကြရအောင် လုပ်ပြလိုက်တာပါ။ အရှက်တရားဘယ်နားရောက်နေလဲလို့ကိုသွားမေးရမလိုလိုပါပဲ။သိက္ခာလဲမရှိ ၊ ရှက်ရကောင်းမှန်းလဲ အဲဒီလိုအစားတွေ လာပြိုင်တာ ကျွန်တော်တော့ပြိုင်ပွဲတောင်ကျက်သရေယုတ်တယ်ထင်မိတယ်။ ဒါတောင်လူမြင်ကွင်းပြိုင်ပွဲမှာမလို့ပါ။ နမ်းပြတဲ့သူမှန်သမျှ ဆုရတာလဲမတွေ့လိုက်ရပါဘူး။

အဲဒီကနေပြန်လာတော့ ညခုနှစ်နာရီထိုးနေပြီမို့ ထမင်းဆိုင်ဝင်ပြီးမိုင်မိုင်ဆွဲ၊ အခန်းပြန်ရေချို့းပြီး ဒီပို့စ်လေးကိုရေးလိုက်တာပါ။ ချစ်သူများနေ့သည် မြန်မာတွေနဲ့မဆိုင်ဘူးလို့ကျွန်တော်မပြောလိုပါဘူး။ ဒါပေမယ့်အထိန်းအကွပ်မဲ့စွာနဲ့အရှက်အကြောက်တရားကင်းမဲ့ရလောက်အောင် ပြုမူနေထိုင်မှုတွေမလုပ်ကြဖို့သာပြောချင်တာပါ။ ချစ်သူများနေ့တိုင်း ကိုယ့်ရဲ့ အပျိုလူပျိုဂုဏ်သိက္ခာလေးတွေကို မြန်မာလူငယ်တိုင်း ထိန်းသိမ်းတက်နိုင်ကြပါစေ…။

ကဲ…အားလုံးပဲ ပျော်ရွှင်စရာချစ်သူများနေ့လေးပါခင်ဗျာ။