အဖေ့ရဲ့အင်အား

ကျွန်တော်လူ့လောကမရောက်ခင်
အမေ့ဗိုက်ထဲမှာ.....
အဲဒီအချိန်တုန်းက အဖေပြောခဲ့တယ်တဲ့ သားလေးကလဲ ကြာလိုက်တာ...
လူလောကထဲရောက်လာတော့မယ့် ကျွန်တော့်ကို ရင်ခုန်စွာနဲ့
အဖေစောင့်စားဖူးတယ်
သူ့ဘ၀ရဲ့ မျှော်လင့်ခြင်း အားသစ်တစ်ခုကို စောင့်သလိုမျိုး....


ကျွန်တော်ငါးနှစ်
ကလောသွားတယ်........
ပြန်လာတော့ အဖေကပြောတယ် သားကိုလွမ်းလိုက်တာ.....
ရက်တိုခရီးသွားတဲ့ ကျွန်တော့်ကို လွမ်းတဲ့စိတ်နဲ့
အဖေမျှော်ခဲ့ဖူးတယ်
သူဘ၀ရဲ့ မျှော်လင့်ခြင်း အင်အားတစ်ခုကို တောင့်တသလိုမျိုး......


ကျွန်တော်ဆယ်နှစ်
ကျောင်းကပေးတဲ့ဆုရတယ်.....
ဆုရတော့ အဖေပြောတယ် သားကတော်လိုက်တာ.......
ဆုရခဲ့တဲ့ ကျွန်တော့်အတွက် ဂုဏ်ယူတဲ့စိတ်နဲ့
အဖေပျော်ခဲ့ဖူးတယ်
သူ့ဘ၀ရဲ့ မျှော်လင့်ခြင်း အင်အားတစ်ခု ပိုပြီးကြီးမားလာသလိုမျိုး......


ကျွန်တော်ဆယ်ငါးနှစ်
ရန်ဖြစ်တယ်....
ရန်ဖြစ်လို့ အဖေပြောတယ် မင်း မိုက်လိုက်တာ....
လူမိုက်ဆန်တဲ့ ကျွန်တော့်အတွက် ၀မ်းနည်းတဲ့စိတ်နဲ့
အဖေဒေါသထွက်ခဲ့ဖူးတယ်
သူ့ဘ၀ရဲ့ မျှော်လင့်ခြင်း အင်အားတစ်ခု ယိုင်နဲ့သွားသလိုမျိုး.......


ကျွန်တော့်အသက်ဆယ်ခြောက်နှစ်
ဆယ်တန်းအောင်တယ်.....
အဲဒီတော့ အဖေကပြောတယ် မင်းဘာလုပ်မလဲ.......
ခြေလှမ်းသစ်စတော့မယ့် ကျွန်တော့်အတွက် ဂုဏ်ယူတဲ့စိတ်နဲ့
အဖေကျေနပ်ခဲ့ဖူးတယ်
သူ့ဘ၀ရဲ့ မျှော်လင့်ခြင်း အင်အားတစ်ခု ပိုပြီးမြင့်တက်လာသလိုမျိုး......


ကျွန်တော်ဆယ်ရှစ်နှစ်
အဝေးမှာပညာသင်တယ်......
အိမ်ပြန်တဲ့ခါ အဖေပြောတယ် သားကိုစောင့်နေတာ....
အိမ်အပြန်နောက်ကျခဲ့တဲ့ ကျွန်တော့်ကို တောင့်တတဲ့စိတ်နဲ့
အဖေ အကြာကြီးကြည့်ခဲ့ဖူးတယ်
သူ့ဘ၀ရဲ့ ထားရစ်ရတော့မယ့် မျှော်လင့်ခြင်း အင်အားတစ်ခုကို နောက်ဆုံးကြည့်သလိုမျိုး....


ကျွန်တော်ဆယ်ကိုးနှစ်
အဖေသာရှိနေရင်ဘာပြောမလဲ.........
ဘယ်လိုခံစားမှုတွေ ကျွန်တောကြောင့် သူခံစားရဦးမလဲ
သိချင်လိုက်တာဗျာ...
အဖေ့ဘ၀ရဲ့ မျှော်လင့်ခြင်းအင်အားက ကျွန်တော်တဲ့
ကျွန်တော့် ဘ၀ရဲ့မှီခိုရာ မဏ္ဍိုင်ပာာလဲ အဖေပါပဲ
ကျွန်တော့် ဘ၀ရဲ့ မှီခိုရာ အဖေပျောက်ဆုံးသွားပေမယ့်
အဖေ့ရဲ့ အားသစ်တစ်ခုတော့ ကျွန်တော် ဖြစ်ချင်သေးတယ်......အဖေရယ်